A educación que conecta: visita de Scuola Senza Zaino

Esta semana recibimos a visita de dúas profesoras procedentes de Italia, Erika Lubatti e Elena Carletto, pertencentes á rede de escolas “Scuola Senza Zaino” (Escola sen mochila).

Durante a súa estadía, comparteron tempo nas nosas aulas de Educación Infantil, observando de preto a nosa metodoloxía e participando na vida diaria do centro.

Foi unha experiencia moi enriquecedora e produtiva, na que puidemos intercambiar ideas, experiencias educativas e boas prácticas.

Encántanos formar parte dunha rede internacional que nos permite seguir aprendendo e crecendo xuntos.