Proxecto eTwinning entre Vigo e Saint-Jean-d’Angély
O alumnado de 3º de ESO do Colexio Losada, en colaboración coa escola francesa Georges Texier, participou este curso coa materia de Francés no proxecto eTwinning “Entre Saint-Jean-d’Angély et Vigo, nous avons créé un projet rigolo!”.
O alumnado traballou xunto co alumnado francés en actividades colaborativas que lles permitiron descubrir a cultura, a historia, os costumes e a vida cotiá dos seus compañeiros e compañeiras do país socio, co obxectivo de fomentar a aprendizaxe intercultural, mellorar as competencias lingüísticas e promover valores europeos de cooperación e cidadanía activa.
Un dos momentos máis especiais do proxecto foron as sesións de intercambio en liña, nas que o alumnado puido comunicarse en francés e realizar actividades lúdicas conxuntas.
