Graduación 25ª. Curso 2023-2024.
O pasado 26 de xuño celebrouse a cerimonia de graduación do alumnado da 25ª Promoción poñendo punto e final, nalgúns casos despois de trece anos connosco, a unha ampla traxectoria académica e persoal.
Despois dunha proxección de presentación dos nosos graduados/as e dun vídeo no que se recolleron imaxes da evolución do alumnado nos diferentes cursos, os representantes dos alumnos/as, das familias e o Director/titor pronunciaron discursos presididos pola gratitude, as lembranzas dos anos vividos e os momentos emotivos compartidos.
O evento rematou coa entrega de diplomas e agasallos ao alumnado e cunha emotiva despedida que quedará, sen dúbida, na súa memoria. Comezan unha nova etapa chea de ilusión e de novos retos que estamos seguros afrontarán con éxito.
