¡Estreamos o deporte de moda no cole! Pioneiros en Vigo

¡Ensinar a innovar é o noso lema! O alumnado dende 3º ata 6º de Educación Primaria xa comezou a practicar o Pickleball nas clases de Educación Física. E si… ¡somos o primeiro colexio de Vigo en contar con 4 pistas oficiais pintadas no noso patio! Pero, por que nos gusta tanto o Pickleball? Aquí tes algúns dos seus superpoderes para os nosos alumnos e alumnas:

• Fácil e divertido dende o minuto un: Ao ter unha pa máis lixeira e unha bola perforada que vai máis lenta, todos os nenos e nenas poden xogar e gozar dende o primeiro día, sen frustracións.
• Inclusivo ao 100%: É un deporte ideal para que xoguen xuntos nenos e nenas de diferentes habilidades. ¡Aquí ninguén queda fóra!
• Mellora a coordinación: Axuda a desenvolver dun xeito incrible a coordinación man-ollo, os reflexos e a axilidade.
• Superación e traballo en equipo: Fomenta o compañeirismo, o respecto e o xogo limpo mentres se divirten en movemento.

Estamos desexando ver como evolucionan os nosos grandes campións e campioas nesta nova aventura deportiva. ¡A dalo todo na pista!