1º e 2º da ESO visitamos o Concello de Vigo
Hoxe 20 de abril o alumnado de 1º e 2º da ESO acudimos ao Concello de Vigo para facer un percorrido guiado polos servizos municipais de máis interese como a Sala dos plenos (onde fomos recibidos polo Sr. Alcalde ao que lle fixemos entrega de dúas cartas agradecéndolle o seu labor e suxeríndolle novas melloras para a nosa cidade); Sala de circulación (na que coñecemos diversos protocolos de tráfico); Laboratorio municipal (analizamos a potabilidade das augas) ,e por último, a Escola de danza onde nos explicaron as orixes da música tradicional.